«Қорғас» шекара маңы ынтымақтастық халықаралық орталығы» АҚ-сы Қазақстан Республикасы Үкіметі мен Қытай Халық Республикасы
Үкіметінің арасындағы Келісімді жүзеге асыру аясында Алматы облысының Панфилов ауданындағы қазақстан-қытай шекарасында «Қорғас» шекара маңы ынтымақтастық халықаралық орталығын құру мақсатында өмірге келген мемлекеттік компания болып табылады.
«Қорғас» ШЫХО» АҚ-ның негізгі миссиясы-«Қорғас» ШЫХО-ның қазақстандық бөлігінде инфроқұрылымды құру, дамыту және қамтамасыз ету, қызмет түрлерінің Келісімде қарастырылған қазақстандық бөлігінде потенциалды инвесторларды тартуды жүзеге асыру.
«Қорғас» ШЫХО» АҚ-ның негізгі мақсаты
- мемлекеттердің индустриалды-инновациялық саясатын жүзеге асыру;
- шетелдік капиталды тарту арқылы аймақтың экономикасын жандандыру, инвестициялық ахуалды жақсарту;
- бюджетке салықтық төлемдерді көбейту;
- сыртқы сауда операцияларына халықаралық стандарттар жүйесін енгізу;
- көліктік-логистикалық және импорттық, экспорттық, сондай-ақ, транзиттік жүк айналымына терминалдық қызметтерді дамыту;
- Ұлы Жібек жолы бойында туризм, көлік және байланыс инфроқұрылымдарын дамытуды қамтитын халықаралық туризмді дамыту;
- жергілікті мамандарды жұмыспен қамту және кадрлардың біліктілігін арттыру
- болып табылады.
«Қорғас» ШЫХО» АҚ қызметінің негізгі түрлері
- «Қорғас» шекара маңы ынтымақтастық халықаралық Орталығының қазақстандық бөлігінде (Орталық) инфроқұрылымдарды құру, дамыту және қамтамасыз ету;
- құрылу мақсатына жету жолында Орталықтың қазақстандық бөлігі аумағында қызмет ететін мемлекеттік органдармен және шаруашылық субъектілермен өзара әрекет ету;
- Орталықты дамытудың ағымдағы, ұзақ мерзімді бағдарламаларын жасауға қатысу және жүзеге асыру;
- Орталықтың қазақстандық бөлігі аумағында Қазақстан Республикасының Үкіметі мен Қытай Халық Республикасы Үкіметінің арасындағы Келісімде қарастырылған «Қорғас» шекара маңы ынтымақтастық халықаралық орталығының (одан әрі - Келісім) қызметін реттеу туралы қызмет түрлерін жүзеге асыру үшін потенциалды инвесторларды тарту;
- Келісімде қарастырылған және Орталықтың қазақстандық бөлігін басқару бойынша өкілетті органмен келісілген шаруашылық қызметі түрлерін жүзеге асыру.
«Қорғас» ШЫХО» АҚ жүзеге асыратын қызмет түрлері
- Орталықтың жобалық-іздестіру, құрылыс жұмыстарын ұйымдастыру және инженерлік коммуникациялар мен құрылғыларын ұстау;
- тұрғын үй-коммуналдық қызметін ұсыну;
- Орталықтың аумағында жер телімдерін заңнамада қарастырылған тәртіппен субарендаға беру;
- өнеркәсіптік, тұрғын және басқа да құрылыстар;
өндірісте мемлекеттік саясатты жасауға және жүзеге асыруға, сыртқы нарықта экспорттық-бағдарлы азық-түліктерді өткізуге қатысу; - Қазақстан Республикасында ғылыми-техникалық, өнеркәсіптік және технологиялық даму бағдарламаларын қалыптастыруға, жүзеге асыруға, оның ішінде өндірісті құруға, кеңейтуге, қайта құруға техникалық бастапқы жарақтандыруға қатысу;
- Қазақстан Республикасының және Қытай Халық Республикасының екі жақты сауда-экономикалық қатынастыра мен ғылыми-техникалық ынтымақтастығын кеңейтуге қатысу;
- сауданы, логистиканы және туризмді дамыту;
- инвестициялық жобаларды жасау мен жүзеге асыруға қатысу;
- ғылыми-зерттеу жұмыстарын жүргізу, консалтингтік, макетингтік тағы басқа да қызметтерді көрсету.
